පළාත් සභා සහ පළාත් පාලන අමාත්‍යංශය, විදුලි සංදේශ හා ඩිජිටල් යටිතල පහසුකම් අමාත්‍යංශය යටතේ ඇති ICTA ආයතනය ඒකාබද්ධව ක්‍රියාත්මක කරන e LOCAL GOVERNMENT වැඩසටහන යටතේ පළාත් පාලන ආයතන සඳහා මහජනතාව ගෙවිය යුතු වරිපනම් ගාස්තු, බලපත්‍ර ගාස්තු ආදිය මෙන්ම ගොඩනැගිලි බලපත්‍ර අනුමත කර ගැනීමේ ආදී අංශ රාශියක් පරිගණක ජාලගත කිරීමේ වැඩසටහන යටතේ ONLINE මඟින් ගෙවීමට අවශ්‍ය වැඩපිළිවෙළක් සකස් කර ඇත. මෙමඟින් මහජනතාවට තම කාලය ඉතුරු කරගෙන, දුරකතන, ජංගම දුරකතන හෝ CREDIT CARD භාවිත කර තම නිවසේ සිටම ගෙවීමට පහසුකම් සැලසෙන අතර එමඟින් නගර වැසියන්ගේ වටිනා කාලය, ශ්‍රමය ඉතිරිවන අතරම මේ ආශ්‍රිතව සිදුවෙමින් පැවති දූෂණ සහ අක්‍රමිකතා ද අවම කිරීමට අවකාශ ලැබේ.

ඒ අනුව 2018 වසරේ පෙබරවාරි 01 දා සිට තෝරාගත් පළාත් පාලන ආයතන 30ක මෙම වැඩසටහන ක්‍රියාත්මක වන අතර මේ වසරේදීම තවත් පළාත් පාලන ආයතන 50ක දක්වා ව්‍යාප්ත කිරීමට කටයුතු කර ඇත. ඉතිරි පළාත් පාලන ආයතනවල ද කඩිනම් වැඩසටහනක් ලෙස මේ වැඩසටහන ව්‍යප්ත කිරීම සඳහා වැඩපිළිවෙලක් සකස් කිරීම ද පළාත් සභා සහ පළාත් පාලන අමාත්‍යංශය හා විදුලි සංදේශ හා ඩිජිටල් යටිතල පහසුකම් අමාත්‍යංශ එක්ව කටයුතු කිරීමට අද දිනයේ තීරණය කළ බව ද තවදුරටත් දන්වමි.

මෙදින අදහස් දැක්වූ පළාත් සභා සහ පළාත් පාලන ගරු අමාත්‍ය ෆයිසර් මුස්තෆා ඇමතිතුමා 2018 පෙබරවාරි 01දා සිට මෙම පළාත් පාලන ආයතන 30 මුදල් භාවිතයෙන් කිසිඳු ගෙවීමක් සිදු නොකළ යුතු අතර ඒ සඳහා ප්‍රායෝගික දුෂ්කරතා ඇති අය සඳහා ආදාළ පළාත් පාලන ආයතනයේ ස්ථාපිත කරන ගෙවීම් කවුළුවක් හරහා ONLINE ක්‍රමවේදයට ගෙවිම් කිරීමට පහසුකම් සලසන ලෙස කරන ලද ඉල්ලීමට අදාළ පළාත් පාලන ආයතන 30හි ප්‍රධානීන් එකඟතාවය ප්‍රකාශ කළ බව ද තවදුරටත් දන්වමි.

එසේම කොළඹ මහ නගර සභාව ගොඩනැඟිලි බලපත්‍ර අනුමත කිරීම මෙම ONLINE තාක්ෂණය යොදාගෙන 2018 පෙබරවාරි 01 දා සිට ක්‍රියාත්මක කිරීමට එකඟතාවය ප්‍රකාශ කළ අතර එමඟින් එම සේවා සපයා ගැනීමට බලාපොරොත්තුවන ජනතාවට එමඟින් ඉතා පහසුවෙන් සේවා සපයා ගැනීමට හැකිවන බව ද ප්‍රකාශ කරන ලදී.

 

විදේශිකයන්ට පමණක් යනුවෙන් ලේබල් කරමින් දේශීය සංචාරකයින් අපහසුතාවයට පත්කරමින් පලාත් කිහිපයක හෝටල් ක්ෂේත්‍රය තුළ ක්‍රියාත්මක කරමින් පවතින වැඩපිළිවෙලක් පිළිබඳව කරුණු අනාවරණය වී ඇත. දේශීය සංචාරකයින්ගේ ද වර්ධනයක් පෙන්නුම් කරන මෙවැනි කාලසීමාවක සංචාරක ප්‍රවර්ධනයට බාධා එල්ලකරමින්, සංචාරකයින්ගේ මානව අයිතිවාසිකම් ද උල්ලංඝණය කරමින් ක්‍රියාත්මක වන මෙම සිදුවීම් පිළිබඳව විශේෂ සාකච්ඡාවක් අද පස්වරුවේ පැවැත්වුණා.

ඒ පළාත් සභා සහ පළාත් පාලන අමාත්‍ය ෆයිසර් මුස්තෆා මැතිතුමාගේ  ප්‍රධානත්වයෙන්

ඊට අමාත්‍යංශ ලේකම් කමල් ටී. පත්මසිරි මහතා, සංචාරක අමාත්‍යංශ ලේකම් ඇසළ වීරකෝන්, දකුණු පළාත් පාලන කොමසාරිස්, පොලිස් මූලස්ථානය නියෝජනය කරමින් නියෝජ්‍ය පොලිස්පති - අපරාධ ඇතුළු පොලිස් නිලධාරින්, දකුණු පළාත් ප්‍රධාන ලේකම්, සංචාරක අමාත්‍යංශයේ ලේකම්, වැලිගම නගර සභාවේ ලේකම්, වැලිගම ප්‍රාෙද්ශිය සභාවේ ලේකම් සහ හබරාදූව ප්‍රාෙද්ශිය ලේකම්වරියන්  සහ හෝටල් හිමිකරුවන්ගේ සංගමය එක්ව සිටියා. එහිදී අදහස් දැක්වූ අමාත්‍ය ෆයිසර් මුස්තෆා මැතිතුමා.

ශ්‍රී ලංකාවේ සංචාරක ක්ෂේත්‍ර දියුණු කළ යුතුයි. හැබැයි ලංකාවේ ඕනම බිම් අගලක හෝ වෙරළ තීරයේ ලාංකිකයකුට යෑමේ අයිතිය තිබිය යුතුයි. සමහර අය හිතනවා නම් ඒ අයට සංචාරක ව්‍යපෘති දියුණු කරන්න පුළුවන් කියලා ලාංකිකයන්ට ස්ථානවලට පැමිණිම සම්බන්ධයෙන් තහංචි දාන්නයි, ලාංකිකයන්ට ඒ ස්ථානවලට වෙනම මුදලක් අය කරන්න හදනවා නම් මං හිතන්නේ පළාත් සභා සහ පළාත් පාලන අමාත්‍යංශය කිසිසේත්ම ඉඩ දෙන්නේ නෑ. උණවටුන සහ මිරිස්ස යන ප්‍රෙද්ශවල ශ්‍රී ලාංකිකයන් සමහර ස්ථානවලට පැමිණෙන කොට නොයෙක් බාධක, තහංචි, පනවනවා. ඒ සම්බන්ධයෙන් අපි සංචාරක මණ්ඩලය, සංචාරක අමාත්‍යංශය, පොලිසිය, ඒ පළාත් පාලන ආයත.න දෙක වහාම කටයුතු කළ යුතුයි. මං සාචරක මණ්ඩලයෙන් ඉල්ලා හිටිනවා එවැනි ආයතන සංචාරක මණ්ඩලයේ අවසරයක් තියෙනවා නම් වහාම ඒ අවසරය නවත්වන්න.  සංචාරක මණ්ඩලයේ අනුමැතිය නැතුව පවත්නා විදේශිකයන්ට පමණයි කියන භෝජනශාලා සහ හොටෙල් වහාම ඒ සම්බන්ධයෙන් නඩු පවරන්න. ලාංකිකයෙක් හැටියට මට කැක්කුමක් තියෙනවා මේ විදේශිකයන්ට පමණයි කියන බෝඩ් එකක්.. අද අපි තාමත් යටත් විජිතවාදි රටක්ද කියන එක ඉස්මතු වෙනවා. අපේ රටේ ආත්මගරුත්වය පිළිබඳව තියෙන ප්‍රශ්නයක්. පළාත් පාලන කොමසාරිස්තුමා ඉන්නවා, පොලිසිය ඉන්නවා, හෙට පටන් දකුණු පළාතේ  විදේශිකයන්ට පමණක් තියෙන ආයතන තිවෙනවා නම් ටුවරිස්ට් බෝඩ් අනුමැතිය තියෙනවා නම් ටුවරිස්ට් බෝඩ් අනුමැතිය වහාම කැන්සල් කරන්න. ව්‍යාපාර ලියාපදිංචි කිරිමක් කරලා තියෙනවා නම් ඒ ලියාපදිංචි කිරිම වහාම අත්හිටුවන්න. ඒවගේම නඩු පවරන්න. අපි ලාංකිකයෝ හැටියට ලැජ්ජා වෙන්න ඕන අපේ රටේ මේක සිදුවෙන එක ගැන. නීති සහාය දෙන්නම්.. මම පෞද්ගලිකව වුණත් නීති සහාය දෙන්නම්. මෙවැනි තත්ත්වයක් උදාවීම රටට කරන අපහාසයක්.

වැලිගම නගර සභාවේ ලේකම්, වැලිගම ප්‍රාෙද්ශිය සභාවේ ලේකම් සහ හබරාදූව ප්‍රාෙද්ශිය ලේකම්වරියන් විසින් මෙහිදී අමාත්‍යතුමා වෙත මෙම සිදුවීම් පිළිබඳව දීර්ඝ ලෙස කරුණු පැහැදිලි කරන්නට යෙදුණා. එහිදී ඔවුන් මතුකර සිටියේ මෙවැනි සිදුවීම් මේ මොහොතේ පටන්ම නතර විය යුතු බවටයි. ඔවුන්ගේ ඉල්ලීම්වලට ප්‍රතිචාර දැක්වූ ජනාධිපති නීතිඥ ෆයිසර් මුස්තෆා මැතිතුමා.

අද අපි තීන්දුවක් කරා වැලිගමට හෙට සංචාරක මණ්ඩලයේ නිලධාරින් දෙන්නෙක් දෙනවා. ඒ මුහුදු තීරයේ තියෙන ව්‍යාපාර ස්ථාන පරීක්ෂා කරලා විදේශිකයන්ට පමණක් කියලා තිබ්බ නම් ඒගොල්ලන්ගේ ට්‍රේඩ් ලයිසන් කැන්සල් කරන්න. ඔබතුමිය ක්‍රියාමාර්ග ගන්න. අලුත් කරන්න එපා. ඒ අතරතුර ඔබතුමා යම් ස්ථාන තියෙනවා නම් ටුවරිස්ට් බෝඩ් අනුමැතිය ඇවිල්ලා තියෙනවා නම් වහාම ටුවරිස්ට් බෝඩ් අනුමැතිය කැන්සල් කරන්න. ඔබතුමා තීන්දුවක් ගන්න. වැලිගම අපි හෙට තීන්දු කළා.  අනිද්දා හික්කඩුව. මිරිස්ස 3 සහ 4. පස්වෙනිදා හික්කඩුව. හය හබරාදූව. ඊට පස්සේ අපි ඊළඟ සතියේ අපි ආයේ රැස්වීමක් හම්බවෙනවා මේකේ ප්‍රගතිය බලමු. නැත්නම් මේක කතාවට පමණක් සීමා වෙනවා.

DSC 0863 DSC 0874 DSC 0900
DSC 0907 DSC 0870 DSC 0879

 

 

 

“අද ශ්‍රී ලංකා ඉතිහාසයේ පළාත් පාලන ක්ෂේත්‍රයේ නව වෙනසක් ඇති කිරීමට පළාත් සභා සහ පළාත් පාලන ඇමති හැටියට සියයට 25ක කාන්තා නියෝජනයක් සියලූම පළාත් පාලන ආයතනයට ලබාදීම මා භාග්‍යයක් හැටියට සලකනවා. කාන්තාවන් පවුලකට දෙන නායකත්වය රටටම දීම වැදගත්. හැබැයි අපි දන්නවා පිරිමියෙකුට වඩා කාන්තාවකට තමන්ගේ පෞරුෂත්වය වැදගත්. අද මේ කාන්තාවන් ඇතුළත්වීම රටටත් ජයග්‍රහණයක්. අපි මේ ඉදිරියට එන කාන්තාවන් පස්සට ගැහුවනං අපිට මේ ජයග්‍රහණය නැතිවෙනවා. මං හිතන්නේ අද මෙවැනි කාන්තාවන් රැකගන්න එක තමුන්නාන්සේලාගේ වගකිම. මං හිතන්නේ අද කාන්තාවන් අපි පළාත් පාලන ආයතනවලට යවනකොට ඒ තුළින් පළාත් පාලන ආයතනවල සමාජීය සහ ආර්ථික වෙනසක් අනිවාර්යෙන්ම ඇතිවෙනවා. අද හුඟාක් අය චෝදනා කරනවා පළාත් පාලන ආයතනවල දූෂණය සහ අකාර්යක්ෂමතාව තියෙනවා කියලා. ඒවගේම පළාත් පාලන ආයතනවල මන්ත්‍රිවරු කොන්ත්‍රාත්කරුවන් බවට පත්වෙලා තියෙනවා කියලා. ඒ යුගයෙන් ඈත්වෙන්න තමුන්නාන්සේලා බුද්ධිමත්ව කටයුතු කළ යුතුයි. ”

පළාත් සභා සහ පළාත් පාලන අමාත්‍ය, ජනාධිපති නීතිඥ ෆයිසර් මුස්තෆා මහතා මෙම අදහස් පළකළේ වසර 3ක කාලයක් තිස්සේ ඉතා අබලන් තත්ත්වයක පැවති ගෝණමඩිත්ත ප්‍රධාන මාර්ගය, කාපට් අතුරා සංවර්ධනය කිරීමෙන් පසු ජනතා අයිතියට පත්කිරීමේ අවස්ථාවේ ප්‍රධාන ආරාධිත අමුත්තා ලෙස එක්වෙමින්.

අමාත්‍යතුමන්ගේ උපදෙස් මත කාපට් අතුරා සංවර්ධනය කිරීමට වැය වූ මුදල රුපියල් ලක්ෂ 80කට ආසන්නයි. ශ්‍රී ලංකා නිදහස් පක්ෂය පිළිබඳව ද අදහස් දැක්වූ අමාත්‍ය ෆයිසර් මුස්තෆා මහතා.  

“ මේ පක්ෂේ කාගෙවත් බූදලේ වුණේ නෑ. අපි දේශපාලන පක්ෂයක් වටා රොක්වෙන්න ඕනේ. අද තීරණාත්මක අවධියක් පක්ෂයක් වටා අපි රොක් වෙනවද? පවුලක් වටා අපි රොක් වෙනවද? මා විශ්වාස කරනවා අපි දේශපාලනේ කරනකොට අපි පක්ෂයක් ශක්තිමත් කළ යුතුයි. ඒනිසා ශ්‍රි ලංකා නිදහස් පක්ෂය ශක්තිමත් කිරිම තමුන්නාන්සේලාගේ වගකිමක් ලෙස සලකනවා. ඒනිසා අපට අවශ්‍ය ඡන්ද කාලෙක බඩු බෙදන, ටකරං බෙදන, දැන්නම් හැම දෙයක්ම බෙදනවා. මෝටර් සයිකලුත් බෙදනවා.. දැන් පුස් සයිකලුත් බෙදනවා. හෙට අනිද්දා කාර් බෙදන්න පටන් ගනීද දන්නෑ. බඩු බෙදනකොට ගන්න. හැබැයි තමුන්ගේ ඡන්දේ වටිනා ඡන්දේ හරි පුද්ගලයාට දෙන්න. ගත්තා කියලා ඡන්දේ දෙන්නේ නෑනේ. ඡන්දේ දානකොට බලන්නේ නෑනේ කාටද ගහන්නේ කියලා. ඒනිසා තමුන්නාන්සේලාගේ වටිනා ඡන්දේ රට වෙනුවෙන් දෙන්න කියන පණිවිඩේ තමුන්නාන්සේලාට මං කියනවා. හේතුව අපි දේශපාලනයෙදි ඡන්දේ දිය යුත්තේ දේශපාලනඥයින්ට නෙමෙයි. ජනතා පුත්‍රයොන්ට.”

මෙම අවස්ථාවට අභිනවයෙන් කොළඹ දිස්ත්‍රික් සංවිධායක ධුරයෙන් පිදුම් ලද ව්‍යාපාරිකා දීපා එදිරිසිංහ මහත්මිය ද එක්ව සිටියා. එහිදී දේශපාලනයට පැමිණිමට තමන් තීරණය කළේ ඇයිද යන්න පැහැදිලි කළා.

 “ මම කියන්න කැමතියි සෝමා එදිරිසිංහ මැතිණිය මගේ මව ඇය ජනසරණ සහ පුනර්ජීව අරමුදල මඟින් මේ රටට සෑහෙන සේවයක් කරලා තියෙනවා. මමත් ඇය සමඟ නිහඩව හැම තැනම ඒ ප්‍රජා සත්කාරවලට උදව් වුණා. ඇයගේ අභාවයෙන් පසු මමත් මගේ සහෝදරයනුත් අවුරුදු දෙකක් විතර ඒ වැඩපිළිවෙල් අපිට හැකි අයුරින් අපි කරගෙන ඉදිරියට ගියා. ඊට පස්සේ මට කල්පනා වුණා මේ වැඩපිළිවෙල තවත් ඉදිරියට ගෙනියන්න නම් අපි පක්ෂයක් සමග සම්බන්ධවෙලා අපේ ජනතාව වෙනුවෙන් අපි සෙතක් සලසන්න පුළුවන් තව ගොඩක් දේවල් මිනිස්සු වෙනුවෙන් කරන්න පුළුවන් කියලා. මං ඒනිසා ශ්‍රී ලංකා නිදහස් පක්ෂය තෝරා ගත්තා. ඉතිං මං හිතනවා අපිට මේ වැඩකටයුතු කාන්තාවන් වෙනුවෙන් සහ රටේ ළමුන් සහ අවශ්‍ය හැමදෙනා අතරට ගිහින් ඔබලාගේ ඕනෑකම් බලා ඒ සඳහා වැඩ කිරීමට මමත් ඇපකැපවෙලා සිටිනවා. ”

ශ්‍රි ලංකා නිදහස් පක්ෂ කොළඹ දිස්ත්‍රික් සංවිධායිකා, සෝමවීර චන්ද්‍රසිරි පදනමේ සභාපති සුජීවා චන්ද්‍රසිරි මහත්මියගේ ඉල්ලීමකට අනුව පළාත් සභා සහ පළාත් පාලන අමාත්‍යංශයේ ග්‍රාමීය ප්‍රදේශවල මාර්ග කිලෝමීටර 1000ක් සංවර්ධනය කිරීමේ වැඩසහන යටතේ ගෝණමඩිත්ත මාර්ගය සංවර්ධනය කිරීමට ප්‍රතිපාදන ලබාදුන්නා. මාර්ගය ජනතා අයිතියට පත්කිරීමෙන් අනතුරුව අදහස් දැක්වූ සුජීවා චන්ද්‍රසිරි මහත්මිය.

“මේ ගරු ඇමතිතුමන් මේ ප්‍රදේශයට, කැස්බෑව ප්‍රදේශයට කරන ලද මහඟු සේවය වෙනුවෙන් මේ කළගුණ සලකන්නට උත්සාහයක් දැරුවා පමණයි. අපට ඉදිරියේදී අපේ ගරු ඇමතිතුමන්ට කළගුණ සැලකීමට තව බොහෝ අවස්ථා ලැබේවි. මම හිතන්නේ මේ කැස්බෑවේ ජනතාව, මේ ගෝණමඩිත්ත පාරේ ජනතාව එවැනි අවස්ථාවක් උදාවුවහොත් එය නොපිරිහෙලා ඉටු කරාවි. කිසි දිනක මඟහරින එකක් නෑ.”

05 04
09 14
19 22

 

 

පළාත් සභා සහ පළෘත් පාලන අමාත්‍ය, ජනාධිපති නීතිඥ ෆයිසර් මුස්තෆා මැතිතුමා මේබව පැවසුවේ ඊයේ විහාර මහා දේවී උද්‍යානය පිටුපස චිත්‍ර ප්‍රදර්ශනය කරන කලාකරුවන් වෙත ස්ථිර ප්‍රදර්ශන කුටි ලබාදීමේ අවස්ථාවට එක්වෙමින්.

අමාත්‍ය ෆයිසර් මුස්තෆා මැතිතුමාගේ සංකල්පයක් මත ක්‍රියාවට නැගුණු මෙම මානව හිතවාදී ක්‍රියාන්විතය ඇගයීමට ජනාධීපති මෛත්‍රිපාල මහතාද එක්වුණා.

වීදියේ කලාකරුවන් ලෙසින්ද නම් දරන විවෘත අවකාශයේ කලාකරුවන් වෙනුවෙන් ඉදිකරන ලද මෛ ස්ථිර චිත්‍ර ප්‍රදර්ශන කුටි ඔවුන් වෙත පිරිනැමුණේ ජනාධිපති මෛත්‍රිපාල සිරිසේන මැතිතුමන්ගේ විසින්.

මෙම කලාකරුවන්ගේ සංගමය වන Colombo Street Art Society සාමාජිකයින් විසින් ඔවුන් විසින් අදින ලද ජනාධිපතිතුමාගේ සහ අමාත්‍ය ෆයිසර් මුස්තෆා මැතිතුමාගේ රුව සහිත සිහිවටන පිරිනැමීමද එහිදී සිදුකෙරුණා.

ඊට අමතරව සංචාරක අමාත්‍යංශය විසින් මෙම කලාකරුවන්ගේ තොරතුරු ඇතුළත් පොතක් ද එළි දැක්වීම සිදුකෙරුණා.

මෙම අවස්ථාවට විදේශ තානාපතිවරුන්, රාජ්‍ය තාන්ත්‍රික නිලධාරින් ඇතුළු විශාල පිරිසක් එක්ව සිටියා.

මිලේනියම් වසර හෙවත් 2000 වසරේදී  සෞන්දර්ය කලා විශ්ව විද්‍යාලයේ සිසුන් සිය අධ්‍යාපන කටයුතුවල පහුසව වෙනුවෙන්, දෛනික වියදම සොයා ගැනීමේ අරමුණින් ආනන්ද කුමාරස්වාමි මාවතේ,( විහාර මහා දේවී උද්‍යානය පිටුපස වැටේ)  සිය කලා නිර්මාණ ප්‍රදර්ශනය කර අලෙවි කිරීම ආරම්භ කරන ලදී.  පසුව 2000 සිට 2005 අතර කාලයේදී  ඩිජිටල් චිත්‍ර ශිල්පය මෙරටට පැමිණිම නිසා එතෙක් ස්වායත්තව කලා නිර්මාණ කළ පිරිසද මෙම විහාර මහා දේවී උද්‍යානය පිටුපසට පැමිණ උද්‍යානයේ වැටේ සිය කලා නිර්මාණ ප්‍රදර්ශනයට එක්වෙනවා. ඒවන විට මෙම පිරිස 40 දෙනෙකුගෙන් සමන්විත වෙනවා.

සීමිත කලාකරුවන් පිරිසක්, සීමිත කලාගාරය ප්‍රමාණයක, සීමිත රසිකයින් පිරිසක් අතර හුවමාරු වුණ මෙම කලාව විහාර මහා දේවී උද්‍යානය පිටුපස ප්‍රදර්ශනය කිරිමත් සමඟ එය සමාජගත වෙනවා. උද්‍යානයේ වැටේ චිත්‍ර ප්‍රදර්ශනයට එක්වන පිරිස වැඩිවන නිසා එය විධිමත් ක්‍රමයකට පවත්වාගෙන යාමේ අරමුණින් 2006 වසරේදී Colombo Street Art Society නමින් සංගමයක් එහි නිර්මාණකරුවන් විසින් ආරම්භ කරනවා.

මේ අතර කාලය මෙසේ ගලායන අතර 2009 වසරේදී සංචාරක නියෝජ්‍ය අමාත්‍ය ධුරයේ කටයුතු කළ ජනාධිපති නීතිඥ ෆයිසර් මුස්තෆා මැතිතුමා දිනක් එම ස්ථානයට පැමිණ විහාර මහා දේවී උද්‍යානයේ වැටේ එල්ලමින් සිය නිර්මාණ සමාජගත කරන මෙම පිරිස ස්ථිර කුටි නොමැතිව විඳින දුෂ්කරතාවය සියැසින් දැක ඒ වෙනුවෙන් කඩිනමින් පියවර ගැනීමේ අවශ්‍යතාවය දකිනවා.
එහෙත් ඒ සමඟම සිදුවන දේශපාලන වෙනස්වීම් හේතුවෙන් මෙම කර්තව්‍ය පසුබෑමකට ලක්වුවත් 2016 වසරේ ෆයිසර් මුස්තෆා මැතිතුමා පළාත් සභා සහ පළාත් පාලන අමාත්‍ය ධුරයට පත්වීමත් සමඟ නැවතත් විහාර මහා දේවී උද්‍යානය පිටුපස සිය චිත්‍ර ප්‍රදර්ශනය කරන නිර්මාණකරුවන් හමුවීමට පැමිණෙනවා. එහිදී එම කලාකරුවන්ගේ සුරක්ෂිතභාවය වෙනුවෙන් සහ ඔවුන් රටේ පිළිගත් කලාකරුවන් පිරිසක් බවට පත්කිරීමේ අරමුණින් නිල හැඳුනුම්පතක් ලබාදීමට කොළඹ මහ නගර සභාවේ ද මැදිහත්වීමෙන් අමාත්‍යතුමන් කටයුතු කරනවා.

කලාකරුවන්ගේ වීදියක් ලෙස සහ මෙම ස්වෝත්සාහයෙන් නැගී සිටීමට වෙර දරන මෙම කලාකරුවන් නිසි ගෞරවය ලබාදීම සහ විහාර මහා දේවී උද්‍යානය පිටුපස වීදය සංචාරක ආකර්ශනීය ප්‍රදේශයක් බවට පත්කිරීමේ අරමුණින් පළාත් සභා සහ පළාත් පාලන අමාත්‍ය, ජනාධිපති නීතිඥ ෆයිසර් මුස්තෆා මැතිතුමා සිය පොරොන්දුව යතාර්ථයක් බවට පත්කිරීමේ අරමුණින් මෙම කලාකරුවන් පිරිසට ස්ථිර ප්‍රදර්ශන කුටි නිර්මාණය කිරීමට වහ වහා කටයුතු සම්පාදනය කරන ලදී.

DSC 0615 DSC 0618
DSC 0622 DSC 0628
DSC 0655 DSC 06731

 

 

මහර ප්‍රාදේශීය සභා බල ප්‍රදේශය තුළ ග්‍රාම සේවා වසම් 04 ක් එකතුකර අක්බර් ටවුන් ලෙස නම් කිරීම සම්බන්ධයෙන් කඩිනම් විසදුමක් ඉල්ලා එඩේරමුල්ල ජනතා උරුමයන් සුරුකීමේ ව්‍යාපාරයේ නියෝජිතයින් පිරිසක්, ප්‍රදේශයේ ජනතාවගේ අත්සනින් යුතු සන්දේශයක් පළාත් සභා සහ පළාත් පාලන අමාත්‍ය ෆයිසර් මුස්තෆා මහතා වෙත භාරදීම අද දිනයේ දී සිදු කරන ලදි.

මෙම ගැටලුව සම්බන්ධයෙන් මීට පෙර ජනතා නියෝජිතයා ලෙස වශයෙන් මුදල් හා ජනමාධ්‍ය නියෝජ්‍ය අමාත්‍ය ලසන්ත අලගියවන්න මහතාගේ ඉල්ලීමට අනුව මෙම ගැටලුව නිරාකරණය කිරීම සඳහා අවශ්‍ය කටයුතු ගෙන තිබෙන බවත් ඒ අනුව එම ගැටලුව නිරාකරණය කිරීම සඳහා විෂය භාර අමාත්‍ය ෆයිසර් මුස්තෆා මහතා විසින් ඊයේ දිනයේ දී කැබිනට් පත්‍රිකාවක් ඉදිරිපත් කරන ලද අතර එහි දී අමාත්‍යාංශ කමිටුවක් පත් කිරීමට අනුමැතිය හිමි විය.

ඒ අනුව ප්‍රදේශයේ ආගමික නායකයන් හා නියෝජිතයන් ගේ අදහස් ලබාගෙන අදාළ කමිටු නිර්දේශය ලබා ගනිමින් ඒ පිළිබඳව වන සංශෝධනය වහාම ඉදිරිපත් කිරීමට බලාපොරොත්තු වන බව අමාත්‍යවරයා පැමිණ සිටි නියෝජිතයින්ට ප්‍රකාශ කළා. මැතිවරණ කොමිෂන් සභාවේ සභාපති මහින්ද දේශප්‍රිය මහතා දුරකතනයෙන් ඇමතූ අමාත්‍යවරයා , එම කොට්ඨාශය එඩේරමුල්ල 2 ලෙස නම් කිරීම සම්බන්ධයෙන් සාකච්ඡාකරන ලදී.  

මෙම ගැටලුව විසදීමට විශේෂ උත්සාහයක් ගැනීම පිළිබදව නියෝජ්‍ය අමාත්‍ය ලසන්ත අලගියවන්න අමාත්‍යතුමාට ස්තුතිවන්ත වන බව අමාත්‍ය ෆයිසර් මුස්තෆා මහතා ප්‍රකාශ කල අතර මෙම බල ප්‍රදේශය අක්බර් ටවුන් ලෙස නම් කිරීම තමන් විසින් හෝ පළාත් සභා සහ පළාත් පාලන අමාත්‍යාංශය විසින් ගත් තීරණයක් නොවන බවත් දිස්ත්‍රික් ලේකම්වරයාගේද නිර්දේශ සහිතව  අශෝක පීරිස් මහතාගේ ප්‍රධානත්වයෙන් යුතු අභියාචනා විමර්ශන කමිටුව විසින් ඉදිරිපත් කළ වාර්තාවට ඇතුලත් කර ඇති බවත් වැඩිදුරටත් ප්‍රකාශ කලා.

DSC 0466 DSC 0468