ලෝක බැංකුවේ සහ කේරළ ප්‍රාන්ත ආණ්ඩුවේ ආරාධනය මත කේරළය බලා පිටත්ව ගිය දූත පිරිස ඊයේ අලුයම දිවයිනෙන් පිටත්ව ගියා.

කේරළ ප්‍රාන්ත ආණ්ඩුව විසින් සංවිධානය කළ මෙම වැඩමුළුවට සහභාගිවන දූත පිරිසට පළාත් සභා සහ පළාත් පාලන අමාත්‍ය ෆයිසර් මුස්තෆා ඇමතිතුමන්, උතුර, නැගෙනහිර සහ ඌව පළාත් පාලන ආයතනවල ප්‍රධාන ලේකම්වරුන්, කොමසාරිස්වරු ඇතුළුව ඉහළ පෙලේ රාජ්‍ය නිලධාරින් 13න් දෙනෙකු ඇතුළත් වෙනවා.

“කේරළයේ ප්‍රාදේශීය සභාවල කාන්තාවගේ භූමිකාව” යන මැයෙන් පැවැත්වෙන මෙම තෙදින වැඩමුළුවට කේරළයේ ප්‍රාදේශිය දේශපාලනඥයින් ඇතුළු විශාල පිරිසක් සහභාගි වෙනවා.

මෙරට පළාත් පාලන මැතිවරණයේදී ක්‍රියාත්මක කිරීමට නියමිත නව මැතිවරණ ක්‍රමය සමඟ එන සියයට 25ක අනිවාර්ය කාන්තා නියෝජනය වැඩි කිරීම හරහා මෙරට සංවර්ධන කටයුතු සඳහා කාන්තාවන්ට වැඩි දායකත්වයක් ලබාදීම සම්බන්ධව ද එහිදී දැනුවත් කෙරෙනු ඇති.

කේරළයට පැමිණි අමාත්‍යතුමන් ප්‍රමුඛ දූත පිරිස ඊයේ එහි ප්‍රාදේශිය පරිපාලන ඒකකයේ පැවැත් වූ වැඩමුළුවට සහභාගිවූණා.

ශ්‍රී ලංකාවට සාපේක්ෂව දේශපාලන සහ සංවර්ධන කටයුතු සඳහා කේරළයේ කාන්තා නියෝජනය ඉදිරියෙන් සිටිනවා.

මෙම තෙදින වැඩමුළුවේදී ශ්‍රී ලංකා දූත පිරිස විසින් කේරළ ආණ්ඩුවේ ඉහළ පෙළේ දේශපාලන නායකයින් සහ රාජ්‍ය තාන්ත්‍රිකයින් හමුවීමට ද නියමිතයි.

ශ්‍රී ලංකා පළාත් සභා සහ පළාත් පාලන අමාත්‍යංශය සහ කේරළ ආණ්ඩුවේ පළාත් පාලන ආයතනය අතර දීර්ඝ කාලයක් තිස්සේ පවතින සහයෝගී ගිවිසුම වර්ධනය කර ගැනීමට ද මෙය අවස්ථාවක් වනු ඇති බවට ලෝක බැංකුව විශ්වාසය පළ කරනවා.

IMG-20171211-WA0004 IMG-20171211-WA0012 IMG-20171211-WA0013

 

04පළාත් පාලන ආයතන සංශෝධන පනත් කෙටුම්පත පාර්ලිමේන්තුවේදී වැඩි ඡන්දයෙන් සම්මත වුණා. ඊට පක්ෂව ඡන්ද 138ක් ලැබුණ අතර විපක්ෂව ලැබුණු ඡන්ද සංඛ්‍යාව 49ක්. කෙසේවෙතත් 08 දෙනෙකු ඡන්දය දීමෙන් වැළකී සිටියා.  පනත් කෙටුම්පත සම්මතවීමෙන් අනතුරුව ඊයේ රාත්‍රියේ විශේෂ මාධ්‍ය හමුවක් කැඳවූ පළාත් සභා සහ පළාත් පාලන අමාත්‍ය ෆයිසර් මුස්තාෆා මහතා ඡන්දය දීමෙන් වැළකී සිටි පුද්ගලයින් පිළිබඳව අදහස් පළකළා. අමාත්‍යතුමන් එහිදී අවධාරණය කළේ සම්මුතිවාදී ආණ්ඩුවක හිදිමින් මෙම පනත් කෙටුම්පතට විරුද්ධවිමට කිසිදු කැබිනට් ඇමතිවරයකුට සදාචාරාත්මක අයිතියක් නොමැති බවයි. ජාතිවාදී මුහුණුවරකින් දේශපාලනය කිරීම වහාම නතර කළ යුතු සේම, ලාංකිකයන් ලෙස අප යන ගමනේදී තමන්ගේ ජාතිය වෙනුවෙන් යැයි කියමින් ජනතාව තුළ වැරදි ආකල්ප ඇතිවන ලෙස හැසිරීමද සදාචාරාත්මක දේශපාලනඥයකුට තරම් නොවන බවයි. තමන් එවැනි ක්‍රියා කිසිසේත්ම අනුමත නොකරන අතර ඊට එරෙහිව තමන් ඕනෑම අවස්ථාවක නොබිව ඉදිරිපත් වන බවද අමාත්‍යතුමා මාධ්‍ය හමුවේදී වැඩිදුරටත් පවසා සිටියා. මෙම මාධ්‍ය හමුවට පළාත් සභා සහ පළාත් පාලන අමාත්‍යංශ ලේකම් එච්.ටී. කමල් පත්මසිරි මහතාද සහභාගි වුණා. එහිදී අදහස් දැක්වූ අමාත්‍යතුමා.

“අපි කෙටුම්පතක් ඉදිරිපත් කළා කාන්තා නියෝජනය සම්බන්ධව. කැබිනට් මණ්ඩලයේ කිසිම ඇමතිවරයෙකුට සදාචාරාත්මක අයිතියක් නෑ මේ කාරක සභාවේ ගෙනාපු සංශෝධනය සම්බන්ධයෙන් විරෝධතාවයක් ප්‍රකාශ කරන්න. හේතුව අතිගරු ජනාධිපතිතුමා, අගමැතිතුමා, මගේ ප්‍රධානත්වයෙන් කැබිනට් අනුකමිටුවක් පත්කළා. ඒ කැබිනට් අනුකමිටුවේ රාවුෆ් හකීම් ඇමතිතුමා, රිෂාඩ් ඇමතිතුමා, මනෝ ගනේෂන් ඇමතිතුමා, මහින්ද අමරවීර ඇමතිතුමා, දුමින්ද දිසානායක ඇමතිතුමාගෙන් සමන්විත වුණා. හැබැයි ඒ අනුකමිටුවේ සහභාගි නොවී පාර්ලිමේන්තුවේ මේ සම්බන්ධතාවය විරෝධතාවයන් ප්‍රකාශ කිරිම ගැන මම කණගාටුවෙනවා. හේතුව කැබිනට් අනුකමිටුවක තමන් සහභාගිවුණනත් නැතත් තමන් වගකීමක් දරන්න ඕනේ ඒ අනුකමිටුවේ තීන්දු තීරණවලට. ඒවගේම ඒ කැබිනට් අනුකමිටුවේ වාර්තාව මං කැබිනට් මණ්ඩලයට යොමු කළා. ඒ අනුකමිටුවේ වාර්තාව කැබිනට් මණ්ඩලයට යොමු කරනවා කියන්නේ කැබිනට් මන්ඩලයේ සියලුම ඇමතිවරු මේ ක්‍රමවේදය ඒ කියන්නේ බහු ආසන සම්බන්ධයෙන් රජය ගත් ප්‍රතිපත්තිමය තීන්දුව දැනුවත් කරලා තියෙන්නේ. ඒ නිසා ඒ ක්‍රියාදාමය සම්බන්ධයෙන් කිසිම ඇමති කෙනෙකුට තමාගේ විරෝධතාවය ප්‍රකාශ කරන්න බෑ. සමහර ඇමතිවරු අද ප්‍රකාශ කරා මේ බහු ආසනවල පළවෙනි ඡන්දේ ගත් පක්ෂයට පළවෙනි එකයි. දෙවෙනුවට ඡන්දේ ගත් පක්ෂයට දෙවෙනි ආසනේ හිමිවෙන්න. මුලින්ම ශ්‍රී ලංකා නිදහස් පක්ෂයත් අපි විරුද්ධ වුණා ප්‍රතිපත්තිමය වශයෙන් බහු ආසනයක් දිනපු පක්ෂෙට ආසන සියල්ලක්ම පිරි නැමීම. හැබැයි අපි සම්මුතිවාදී ආණ්ඩුවක ඉන්නේ. යම් යම් එකඟතාවයකට අපි යා යුතුයි. ඒනිසා සම්මුතිවාදී ආණ්ඩුවක ඉන්නකොට සෑම විටම තමන්ට අවශ්‍ය දේ සිද්ධවෙන්නේ නෑ. යම් අවස්ථාවලදි යමක් කිරීමේදී පරිත්‍යාගශීලීව කටයුතු කළ යුතුයි කියන එක අපි සමස්ත ලාංකික ජනතාව දැනුවත් කරන්න ඕනේ. ඒවගේම අපි දන්නවා උදාහරණයකට වගේ බහු ආසනයක සියයට60ක බෞද්ධ ජනතාවයි 40% ක තව ජන කොටසක ජනතාවයි හිටිය නං, අපි පරණ ක්‍රමය අනුගමනය කළා නම් 60% ක එක් ජාතියක බහුතරයක් ඉන්න නිසා ඒ පක්ෂ සියල්ලක්ම කරන්නේ බහුතරය ඉන්න ජාතියේ අපේක්ෂකයෙක් දානවා. හැබැයි මේ ක්‍රමය යටතේ 60,40 කියන සංයුතිය තිබ්බ නං ජාතීන් දෙකම ඒ පක්ෂය දානවා. ඒ තුළින් වෙන්නේ සහජීවනයට තැනක් තියෙනවා. ඒවගේ ජාතිවාදී මුහුණුවරකින් දේශපාලනය කරන එක අපි නැති කළ යුතුයි. මම නම් මේ ජාතීන්වලින් හදුන්වන පක්ෂවලට මගේ විරුද්ධතාවයක් තියෙනවා. ඒ කියන්නේ මගේ විශ්වාසය මම ලාංකිකයෙක්. ප්‍රෝඩාවෙන්, බොරුවෙන් දේශපාලනය කරන උදවිය ප්‍රතික්ෂේප කළ යුතුයි.මම අද කණගාටුවෙන් වුණත් රටට මේවා කියන්න සිද්ධවෙලා තියෙනවා. මම පළාත් සභා සහ පළාත් පාලන ඇමති හැටියට මට ජාතියක්, ආගමක්, කුලයක් කවදාවත් අදාළ වුණේ නෑ. මගේම ජාතිය, නියෝජනය වන සමහර අය පාර්ලිමේන්තුවේ ඡන්දය දීමෙන් වැළකීමෙන් බලාපොරොත්තුව, හැබැයි ඒ උදවියම කැබිනට් අනු කමිටුවේ ඇවිල්ලා ඒගොල්ලන්ගේ ස්ථාවරය සනාථ කරලා ඒ වෙනුවෙන් කතා කරලා, එය වෙනස් කරන්න ඒගොල්ලන් උත්සාහයක් දැරුවනං අද මේවගේ දේවල් කරන්න අවශ්‍ය නැ. සම්මුතිවාදී ආණ්ඩුවක ඉන්නකොට සියලු දෙනාම එකම ස්ථාවරයක ඉන්න ඕනේ. මම අගමැතිතුමන් එක්කත් කතා කරා. අගමැතිතුමත් එක්ක මේ උදවිය සාකච්ඡා කරලා. රාවුෆ් හකීම් ඇමතිතුමා එතුමන් එක්ක සාකච්ඡා කරලා කිව්ව අගමැතිතුමා විශේෂ ප්‍රකාශයක් කරා නං ඡන්දේ දෙනවා කියන එක. ඒනිසා මං ඒ සම්බන්ධයෙනුත් මගේ කණගාටුව ප්‍රකාශ කරනවා. අපි සම්මුතිවාදී ආණ්ඩුවක ඉන්නේ සද්භාවයෙන්. අපි සම්මුතිවාදී ආණ්ඩුවට ඇවිල්ලා තමන්ට වාසි වන දේවල්වලට කතා කරන එකයි, අවාසි වෙන එකට ආණ්ඩුවේ ස්ථාවරයෙන් ඈත්වෙන එකයි.. ඒ දේශපාලනය කරන්න නං කිසිසේත්ම මගේ මතයට අනුව මං දන්නෑ ඇතිගරු ජනාධිපතිතුමාගේ අගමැතිතුමාන් ගන්න තීන්දු තීරණ. මම කියන්නේ මේකයි. ආණ්ඩුවක් කරනවා නං එකට ඉන්න ඕන.”

 

 

 

“ මම අටවෙනි ශ්‍රේණිය වෙනකම් මං පංතියේ ආවේ 32 තැනට. මං උනන්දුවක් ගත්තේ නැති නිසා. ඒ නිසා තමුන්නාන්සේලත් තමන්ගේ දරුවා අන්තිමයා කියා නිකං ඉන්නේපා. මගේ අම්මයි තාත්තයි නිකං හිටියේ නෑ. මට බලකරා. මට ශක්තිය දුන්නා. මට අධ්‍යාපනේ ගැන ආදරේ දුන්නා. ළමයා අන්තිමයා වෙනවා. ඒ නිසා ළමයා වැඩක් නෑ කියන එක කරන්න එපා සහෝදර සහෝදරවරුණි. ශක්තිය දෙන්න. ධෛර්යය දෙන්න. ළමයව අයින් කරලා තියන්නෙපා. ඒවගේම තමුන්නාන්සේලා අමරුකම් තියෙනවා. හැබැයි තමුන්නාන්සේලා තියෙන සියලුම සම්පත් ප්‍රමාණය තමුන්ගේ දරුවන්ගේ අධ්‍යාපනයට යොමු කරන්න. හේතුව අදුරෙන් ආලෝකය ලබා ගැනීමට එකම ආයුදය අධ්‍යාපනය. ඒනිසා මා විශ්වාස කරනවා තමුන්නාන්සේලා මම දුන්න පණිවිඩයත් එක්ක ගෙදර ගිහිල්ලා තමුන්නාන්සේලාගේ දරුවන්ගේ ඉදිරි අනාගතය වෙනුවෙන් තමුන්නාන්සේලා මොනාද කළ යුතුයි කියන එක සම්බන්ධයෙන් කල්පනා කරයි කියලා. ඒවගේම හොඳ පාසල්වලට යන්න ඕන්නෑ.  රාජකීය විද්‍යාලයට යන්න ඕන්නෑ... මේ වෛද්‍යවරු වෙන්න. නැත්තං මේ විශාඛාවලට යන්න ඕන්නෑ.. තමුන්නාන්සේලා තමුන්නාන්සේලාගේ දරුවන්ට ශක්තිය ධෛර්ය දුන්න නම් මොන ස්කෝලේ හිටියත් ඒ දරුවා ජයගන්න පුළුවන් කියන පණිවිඩේ මං තමුන්නාන්සේලාට දෙනවා. මේ මාස 06 තුළ මට හුඟාක් අභියෝග තිබුණා. ඒවගේම තමුන්නාන්සේලා දැකලා ඇති පාර්ලිමේන්තුවේ වැඩිම ප්‍රශ්න තිබ්බේ මට. හැබැයි අධ්‍යාපනය නිසා මට ඒ අභියෝගයන්ට මුහුණ දෙන්න පුළුවන් වුණා. ”

අමාත්‍යතුමා මේ බව පැවසුවේ, ඊයේ  සවස කොළඹ 12, අලුත් කඩේ ප්‍රදේශයේ ශාන්ත සෙබස්තියන් සිංහල විද්‍යාලයේ පැවති  “ ප්‍රතිභා කලා උළෙල 2017 ” උත්සවයේ ප්‍රධාන ආරධිත අමුත්තා ලෙස එක්වෙමින්.

DSC 0246DSC 0251DSC 0311

DSC 0300DSC 0323DSC 0294

 

 

2006/44 අතිවිශේෂ ගැසට් පත්‍රය 2017/02/17 දින නිකුත් කරන ලද අතර එය සීමා නිර්ණය පිළිබඳව අභියාචනා සලකා බැලීමට පත්කරන ලද අශෝක පීරිස් මහතා ප්‍රධාන කමිටුව විසින් සකස් කරන ලද සංශෝධිත ගැසට් නිවේදනය යටතේ ගම්පහ දිස්ත්‍රික්කයේ මහර ප්‍රාදේශිය සභා බල ප්‍රදේශය තුළ අංක 31 කොට්ඨාශය අක්බර් ටවුන් යනුවෙන් බහු ආසනයක් ලෙසට ප්‍රකාශයට පත් කර ඇත. මෙය දිස්ත්‍රික්කයේ ග්‍රාම නිලධාරින්, ප්‍රාදේශිය ලේකම්වරයා, දිසාපතිවරයා ප්‍රධාන කමිටු නිර්දේශ මත අශෝක පීරිස් කමිටුව විසින් සකස් කරන ලද අතර එම නිර්දේශ වෙනස් කිරීමට හෝ සංශෝධනය කිරීමට අමාත්‍යංශය භාර පළාත් සභා සහ පළාත් පාලන අමාත්‍යතුමාට නීත්‍යනුකූලව කිසිදු නීතිමය ප්‍රතිපාදනයක් නොමැති බව කාරුණිකව දන්වමි.

නමුත් ප්‍රශ්නගත මෙම කොට්ඨාශය පිළිබඳව ඉල්ලීමක් ලද පසු ඒ පිළිබඳව නිර්දේශ අදාළ පාර්ශ්වකරුවන් මඟින් ලබාගෙන නීත්‍යනුකූලව සිදු කිරීමට කටයුතු කළ හැකි බවද තවදුරටත් දන්වා සිටිමි.

එච්.ටී. කමල් පත්මසිරි
ලේකම්,
පළාත් සභා සහ පළාත් පාලන අමාත්‍යංශය

 

DSC 0148“මට සහ මගේ ලේකම්තුමාට තිබුණ අභියෝග මේ අවුරුදු දෙකේ කිසිම ඇමති කෙනෙකුට හෝ ලේකම් කෙනෙකුට තිබුණේ නෑ.හැබැයි අපි හෘද සාක්ෂියට එකගව හරි දේ වෙනුවෙන් පෙනී සිටින නිසා මං හිතන්නේ අපිට කොන්ද කෙලින් තියාගෙන ඕනම ප්‍රශ්නයකට මුහුණ දීමේ හැකියාව ලැබුණා. විශ්වාසභංග යෝජනා එකක් නෙමෙයි, දෙකක්. ඒ අභියෝග දෙකකට මුහුණදිමට සිදුවූ එකම ඇමති හැටියට මම දකිනවා. මම විශ්වාස කරනවා අන්තිමට සත්‍ය ජයගත්තා. අපි අභියෝගවලට මුහුණ දුන්නා. රට සහ ජනතාව අපිත් එක්ක හිටියා. අපි වැරදිකරු කියපු සමහර උදවිය අපිත් එක්ක එකතුවෙලා මේ ප්‍රශ්නය නිරාකරණය කිරීමට කැපවී සිටියා.”

අමාත්‍යතුමා මේ අදහස් පළකළේ අද පෙරවරුවේ පළාත් සභා සහ පළාත් පාලන අමාත්‍යංශය යටතේ පසුගිය දෙවසර තුළ පළාත් පාලන ක්ෂේත්‍රයේ ක්‍රියාත්මක කළ සංවර්ධන වැඩසටහන් සහ 2018 වසරේ ක්‍රියාත්මක කිරීමට අපේක්ෂිත නව වැඩසටහන් පිළිබද මාධ්‍ය දැනුවත් කිරීම වෙනුවෙන් අද පෙරවරුවේ පැවති මාධ්‍ය හමුවකදීයි. මෙහිදී වැඩිදුරටත් අදහස් දැක්වූ අමාත්‍යතුමා.

“මේ අමාත්‍යංශය කවදාවත් දේශපාලන දෘෂ්ටිකෝණයකින් බැලුවේ නෑ. මම ශ්‍රී ලංකා නිදහස් පක්ෂයේ ඇමතිනෙකෙකු වුවත් නිදහස් පක්ෂයේ පාක්ෂිකයින්ට හෝ ඇමතිවරුන්ව හෝ මන්ත්‍රිවරුන්ට පමණක් සේවය කිරිමට අපි සීමා වුණේ නෑ. අපි දැවැන්ත සංවර්ධනේ කරනකොට මෙම අමාත්‍යංශය විවෘත දොරක් වුණා. ඕනම දේශපාලන පක්ෂයකට ඕනම කෙනෙකුට උදව් කරන්න අපි අත දුන්නා. ඒවගේම මුලින්ම ආපු කෙනාට අපි පක්ෂ භේද බලන්නැතුව අපි උදව් කරලා තියෙනවා. අපි බිම්මට්ටමට තමන්ගේ කර්තව්‍ය කිරීමට අපි අත දුන්නා. නොයෙක් අමාත්‍යංශ නොයෙක් විධිවිධාන අනුමත කරලා තියෙනවා. සමහර අමාත්‍යංශ ඍජුව ටෙන්ඩර් කැදවලා තියෙනවා. හැබැයි අපි පළාත් පාලන සහ පළාත් සභාවලට තමන්ගේ කර්තව්‍ය කිරීමේදී අතදිය යුතුයි කියන මතේ උඩ තමයි අපි වැඩකලේ. සමහර අමාත්‍යංශ රේඛීය අමාත්‍යංශ ඔක්කොම බදාගන්නවා. පලාත් පාලන ආයතන හිර කරනවා. පළාත් සභා හිරකරනවා. මුදල් පාලනයේදී තමන්ගේ ආධිපත්‍ය ගෙනියනවා. හැබැයි අපි කලේ පළාත් සභාවලට, පළාත් පාලන ආයතනවලට මුදල් දුන්නා, අපිත් අත දුන්නා ඒගොල්ලන්ගේ සංවර්ධන කටයුතුවලට. මේ අපේ මුදල්... තමුන්නාන්සේලා අපි කියන විදියට වැඩකරන්න ඕන කියන මතයේ අපි හිටියේ නෑ. අපිට අවශ්‍ය කරන්නේ රටක් හැදිමේදී සියලු දෙනාගේම දායකත්වය. අපි දෙමළ සන්ධානය එක්ක උතුරේ වැඩකරලා තියෙනවා.. නැගෙනහිර මුස්ලිම් පක්ෂ එක්ක වැඩ කරලා තියෙනවා. අපිට දේශපාලනයක් නෑ. බොහෝ අමාත්‍යාංශවල විශාල සම්පත් ප්‍රමාණයක් තමන්ගේ බල ප්‍රදේශයට යොදනවා. මං වගකීමෙන් කියනවා මගේ බල ප්‍රදේශයට මං අපේ අමාත්‍යංශයේ සම්පත් යොදපු ප්‍රමාණය බොහෝ අමාත්‍යංශවල ඇමතිවරු යොදපු සම්පත්වලට වඩා විශාල වශයෙන් අඩුයි කියලා. හේතුව අපි ඇමතිකම් ලබලා තියෙන්නේ රට ඉදිරියට ගෙනියන්න.”DSC 0197

ප්‍රාදේශීය විෂමතා අවම කිරීම සදහා 2016 වසර තුළ පළාත් සභා සහ පළාත් පාලන අමාත්‍යංශය මගින් දියත් කළ සංවර්ධන ව්‍යාපෘති සදහා රුපියල් මිලියන 22,164ක් ආයෝජනය කර ඒ මගින් පළාත් 9ම තුළ මිලියන 5කට අධික පිරිසක් වෙත ප්‍රතිලාභ සලසා ඇත.

2016 වසර තුළ පළාත් සභා සහ පළාත් පාලන අමාත්‍යංශය සදහා රුපියල් මිලියන 25,281ක මුදලක් ප්‍රතිපාදන වශයෙන් ලබා දි ඇති අතර එයින් රුපියල් මිලියන 22,164ක් සංවර්ධන කටයුතු සඳහා භාවිතා කිරීමට පළාත් සභා සහ පළාත් පාලන අමාත්‍යංශයට හැකි වූ අතර සමස්ථ ප්‍රතිපාදනයන්හි උපයෝගීතාව ප්‍රතිශතයක් ලෙස 91.25% කි.

2017 වසරේ අයවැය මගින් ප්‍රධාන සංවර්ධන ව්‍යාපෘති 19ක් සදහා රුපියල් මිලියන 36,070.75ක මුදලක් වෙන් කර තිබෙනවා.

2017 වර්ෂය තුළ දේශිය අරමුදල් ප්‍රතිපාදන මත සංවර්ධන, පළාත් පාලන සහ පළාත් සභා, ඝණ අපද්‍රව්‍ය කළමනාකරණ යන ක්ෂේත්‍රයන්ගේ ව්‍යාපෘති සඳහා පමණක් රුපියල් මිලියන 14,650.35ක මුදලක් වෙන් කළ අතර පුරනැඟුම, මහ කොළඹ අප ජල කළමනාකරණ වැඩිදියුණු කිරීමේ අදියර 2 සහ 3, ඉරණමඩු වාරිමාර්ග සංවර්ධන ව්‍යාපෘතිය, කිලිනොච්චි ජල සම්පාදන සහ සනීපාරක්ෂක ව්‍යාපෘතිය, ග්‍රාමීය පාලම් ඉදිකිරීමේ ව්‍යාපෘතිය, උතුරු පළාත් මාර්ග සම්බන්ධිත ව්‍යාපෘතිය, ද්විතියික ආංශික සංවර්ධන ව්‍යාපෘතිය, පාසැල් අධ්‍යාපන පද්ධතිය පරිණාමනය කිරීමේ ව්‍යාපෘතිය, පළාත් පාලන ආයතන සඳහා කැලිකසල එකතු කිරීමේ කම්පැක්ටර්සි 151ක් ලබාදීම, ග්‍රාමීය යටිතල පහසුකම් සංවර්ධන ව්‍යාපෘතිය යන ප්‍රධාන ව්‍යපෘතීන් සඳහා රුපියල් මිලියන 30,164ක මුදලක් විදෙස් ප්‍රතිපාදන ලෙස ලබාදී ඇත. මෙම ව්‍යාපෘතීන් මේවන විටත් ක්‍රියාත්මක වෙමින් පවතියි.

මෙහිදී අමාත්‍යතුමන් පැවසුවේ අමාත්‍යාංශය හරහා විදේශ අධාර මත විශාල ව්‍යාපෘති ප්‍රමාණයක් ආරම්භ කිරිමට හැකියාව ලැබුණු බවයි. එමෙන්ම වසර 10ක් ඉක්මව ගියත් ගිනි නිවන උපකරණ මෙතෙක් මෙරටට නොලැබී ඇති නමුත් පළාත් පාලන අමාත්‍යංශය ඔස්ට්‍රියන් රජයේ ආධාර මත නවීන ගිනි නිවන උපකරණ ගෙන්වීමට කටයුතු කරන අතර කවෂීමා යන්ත්‍ර හැම පළාතකම එකක් ස්ථාපිත කිරීමට කටයුතු කරන බවද අමාත්‍යතුමා මෙම මාධ්‍ය හමුවේදී අනාවරණය කළා.

“අපේ අඛණ්ඩ භෞතික සහ මූල්‍ය ප්‍රගතිය මේ අවුරුදු තුනට සියයට 90 ඉක්මවලා ගිහිල්ලා තියෙනවා. ඒවගේම අපේ අමාත්‍යංශයේ විදේශ ආධාර ඇතිව කරන ව්‍යාපෘති රාශියක් තියෙනවා. මේ අවුරුද්දට අපිට තියෙනවා ග්‍රාමීය පාලම් ව්‍යාපෘතිය හංගේරි, නෙදර්ලන්ඩ්, බෙල්ජියම්, ඔස්ට්‍රියා රටවල්වල වැඩසටහනක් තියෙනවා ග්‍රාමීය පාලම් වැඩසටහන ඉදිරියට ගෙනයෑම සඳහා. ඒවගේම ජයිකා, වර්ල්ඩ් බෑන්ක් සහ ඒඩීබී ආධාර ඇතිව ටවුන් ෂිප්ස්.... ඒ කියන්නේ තිබෙන නගර ප්‍රධාන නගර කිරීම සම්බන්ධයෙන් මූල්‍ය ආධාර දෙනවා 25කට. ඒවගේම වකුගඩු රෝගය පවතින ප්‍රදේශවල පවතින ජල ප්‍රශ්නය විසදීමට අපිට විදේශ ආධාර ලැබෙනවා ඒ කර්තව්‍ය කිරීමට. ඒවගේම උතුරු නැගෙනහිර සහ උතුරු මැද ප්‍රදේශවල ජලය සහ ග්‍රාමීය පාරවල් දියුණු කිරීම සම්බන්ධයෙන් අපට විදේශ ආධාර ලැබෙනවා ඒ කර්තව්‍ය කිරීමට. ඒවගේම උතුරු නැගෙනහිර සහ උතුරු මැද ප්‍රදේශවල ජලය සහ ග්‍රාමීය පාරවල් දියුණු කිරීම සම්බන්ධයෙන් අපට විදේශ ආධාර ලැබෙනවා. ඊට අමතරව ගිනි නිවන යන්ත්‍ර උපකරණ අවුරුදු 10කට ලංකාවට ලැබිලා නෑ. ඒනිසා අපිට ඔස්ට්‍රියන් රජයේ ආධාර ඇතිව අපි ඒ ප්‍රශ්නයත් විසදීම සම්බන්ධයෙන් ආධාර ලැබෙනවා.....

DSC 0161...ඒවගේම අපි දන්නවා අක්කර දාසය දාහක් ඉරණමඩුව ජලාශයේ වික්ටෝරියා හා සමානයි මේ උතුරු ප්‍රදේශයට ලැබෙන දායකත්වය බලනකොට. ඒනිසා අපේ අමාත්‍යංශයේ සමස්තයක් ලෙස ගත්තහම සෑම පළාතකටම අපි උදව් කරලා තියෙනවා. කිසිම පළාතකට අපි කුඩම්මා සැලකිලි දීලා නෑ. ඒවගේම අපි දන්නවා මෙට්‍රික් ටොන් 50ක් කවෂීමා යන්ත්‍ර අපි හැම පලාතේම අඩු ගානේ එකක් ස්ථාපිත කිරීමට බලාපොරොත්තු වෙනවා. ඒනිසා අපේ අමාත්‍යංශයේ වැයශිර්ෂ දිහා බලනකොට දේශිය මුදල් ලැබීම්වල යම් අඩුවක් දැක්කත් අපේ අමාත්‍යංශය හුගාක් විදේශ ව්‍යාපෘති තමයි මේ අමාත්‍යංශයෙන් ක්‍රියාත්මක කරන්නේ. අපි අඩුගානේ දුෂ්කර පළාත් පාලන 25ක් තෝරාගෙන ඒ පළාත් පාලන ආයතන 5 තාක්ෂණය සහ මානව සම්පත් සහ අනෙකුත් සියලුම පහසුකම් ලබාදී ඒ පළාත් පාලන ආයතන ආදර්ශ පළාත් පාලන 25ක් කිරීමට අපි බලාපොරොත්තුවෙනවා....

.....අපි දැකලා තියෙනවා අමාත්‍යංශ කෑලි කෑලි දෙනවා හැම පළාත් පාලන ආයතනවලට. ඒ කියන්නේ ඇඟට දැනෙන දෙයක් කෙරෙන්නෑ. අපේ බලාපොරොත්තුව සෑම පළාත් පාලන ආයතනයකටම උදව් කරනවා වගේම ලෝකයේ අනිත් රටවල් දිහා බලනකොට මානව සම්පත් කළමනාකරණය හුගාක් දියුණුයි. හැබැයි ලංකාවේ මානව සම්පත් කළමනාකරණය සම්බන්ධයෙන් ලබාදෙන මුදල් ප්‍රමාණය හුගාක් අඩුයි. හැබැයි අපේ ඉලක්කය අපේ මේ විදේශ ණය දෙන ආයතන එක්ක අපි සාකච්ඡා කරන විට අපි දැන් කියන්නේ මානව සම්පත් කළමනාකරණය සම්බන්ධයෙන් වැඩි මුදලක් දෙන්න කියලා...”

මේ අතර මාධ්‍ය හමුවට සහභාගි වූ පළාත් පාලන අමාත්‍යංශයේ ලේකම් එච්.ටී. කමල් පත්මසිරි මහතා

පළාත් පාලන මැතිවරණ ඡන්ද විමසීම් පනතේ දෝෂයක් පිළිබඳව මාධ්‍ය දැනුවත් කළා.

“පනතේ තියෙනවා අපේක්ෂකයන් තුනකට අඩු කියන එකේ Less than three කියලා ඉංග්ලිෂ්වල තියෙනවා. ටැමිල් එකෙත් තියෙනවා. සිංහල එකෙත් අර Less than three කියන එක තුනකට අඩු කියන අකුරු ටික නෑ. සීමා නිර්ණයේ නෙමෙයි. මේ මැතිවරණ ඡන්ද විමසිම් පළාත් පාලන මැතිවරණ ඡන්ද විමසීම් පනතේ. ඒක නිවැරදි කිරීමේ සංශෝධනය හෙට පාර්ලිමේන්තුවට විවාද කරනවා...”.

DSC 0151DSC 0183DSC 0180