news5“කොළඹ නගරය කියන්නේ ලෝකයේ වෙළද නගර අතර ප්‍රධාන ස්ථානයක්. ඒක අපට උරුම වුනේ ඉතා ඈත අතීතයක ඉදලා. ඒ අභිමානවත් වෙළද නගරය වැසි දිනකට අපායක් බවට පත් වෙනවා. ඒකට හේතුව වැසි ජලය ඉවත්කිරීමට සකස් කර ඇති නල පද්ධතිය, කාණු සහ ඇල මාර්ග කුණුවලින් පිරිලා. නිසි ආකාරයෙන් කසල බැහැර කිරීමක් සිදු නොකොට ජලමාර්ග වෙත කසල බැහැර කිරීම හරහා දුක් විදින්න සිදුවෙන්නේ බිම් මට්ටමේ ජනතාවට පසුගිය කාලපරිච්ඡේදය පුරා කොළඹ නගරයේ ජනතාව වැසි දවස්වල පුදුම විදිහට පිඩාවට පත්වුනා. ටික දෙනෙක් කරන වැඩ නිසා විශාල සංඛාවක් අසරණ වෙනවා. ඒ වගේම මෙවැනි දේ නිසා යහපත් සෞඛ්‍ය තත්වයක් පවත්වාගෙන යන්න අපොහොසත් වෙලා තියෙනවා. ඒ නිසා මම මේ කොළඹ නගරයේ වෙසෙන සියළු දෙනාගෙන් ම ඉල්ලා සිටින්නේ නිවසේ එකතු වෙන කසල විධිමත්ව බැහැර කරන්න කියලා. එහෙම නොකොලොත් පීඩාවට පත්වෙන්නේ ඔබතුමන්ලමයි”.

news4“ත්‍රී රෝද රථ වෘත්තිය කියන්නේ වර්තමාන සමාජයේ ප්‍රබල සමාජ බලපෑම් කණ්ඩායමක්. නිවැරදි දත්ත කෙසේ වුවද මිලියන 1.5 පමණ පිරිසක් ත්‍රී රෝද රථ වෘත්තිය නියැලෙනවා. කර්මාන්තයක් විදිහට ගත්තාම සෘජුව හා වක්‍රව මිලියන 4 ක පමණ පිරිසක් ත්‍රී රෝද රථ කර්මාන්තයට දායක වෙනවා. ඒ නිසා අපේ මධ්‍යයම පාන්තික ප්‍රජාවගේ වඩාත් සමීපතම ප්‍රවාහන මධ්‍යය අප ආරක්ෂා කළ යුතුයි. සුළුතරයකගේ වැරදි නිසා සමස්ත ක්ෂේත්‍රයම සමාජය තුළ යම් කොන් වීමකට ලක්ව තිබෙනවා. නමුත් සත්‍යය එය නොවෙයි. ත්‍රී රෝද රථ කර්මාන්තය රැක ගැනීම සඳහා අවශ්‍ය මැදිහත් වීම සිදු කිරීම රජයක් ලෙස අපගේ වගකීමක්. විශේෂයෙන් ග්‍රාමීය මට්ටමින් ත්‍රී රෝද රථ සිදු කරන සේවය ඉතාම විශාලයි. අද දවසේ සෑම දුෂ්කර පළාතකම ත්‍රී රෝද රථ විශාල ප්‍රමාණයක් තිබෙනවා. මගී ප්‍රවාහනය වගේම භාණ්ඩ ප්‍රවාහනයත් එමඟින් සිදු වෙනවා. ඒ නිසා මේ වගේ සමස්ත ලංකාව පුරා විහිදී ගිය කර්මාන්තයක් රැක ගැනීම අපේ වගකීමක්. ත්‍රී රෝද රථ සේවා ලාභීන්ගේ ආරක්ෂාව පිළිබඳවද සැලකිලිමත් විය යුතුයි. දෙපාර්ශවයේම ආරක්ෂාව සඳහා රජයක් හැටියට මැදිහත් වීමක් සිදු විය යුතුයි. ඒ සඳහා උපරිමයෙන් කටයුතු කරනවා.”

news2“සමස්ත ඩෙංගු රෝගීන් සංඛ්‍යාවෙන් 48% ක් වයස අවුරුදු 19 ට අඩු පාසල් දරුවන්. මේ තමයි අපේ රටේ අනාගතය. අනාගත පරපුර මේ ඩෙංගු වසංගතයෙන් බේරා ගැනීම අපගේ වගකීමක්. ඒ සඳහා භේදයකින් තොරව එකතු විය යුතුයි. ඒවගේම මම මතක් කරන්න කැමතියි, සෑම පාසලක්ම ඩෙංගු ශූන්‍ය කලාපයක් බවට පත් කිරීමේ වගකීම එම පාසලේ විදුහල්පතිවරුන් සතු වනවා. ඒ වගකීමෙන් බැහැර වන්න ඔවුන්ට බෑ. අපි නගර සභාවත් සමඟ සියලුම පාසල් පරීක්ෂා කරන්න කටයුතු කරනවා. ඩෙංගු කීටයන් බෝවන ස්ථාන අසු වුවහොත් තරාතිරම නොබලා නඩු දමනවා. නමුත් මම කියන්නේ නෑ විදුහල්පතිවරුන්ට නඩු දැමීමෙන් පමණක් මේ ප්‍රශ්නයට විසඳුමක් ලැබේවි කියල. විසඳුම් හොයන්න ඕනි සියලු දෙනාම එකතු වෙලා කැප වීමෙන්. ළමුන්ට ගෙදර දොර පාසල පිරිසිදුව තබා ගන්න හැටි කියා දෙන්න ඕනි. නමුත් එහෙම දෙයක් කිසිම පාසලකින් සිදු වෙන්නේ නෑ. තවත් විශේෂ දෙයක් තමයි ඉදිකිරීම් ව්‍යාපෘති ක්‍රියාත්මක වන වැඩ බිම් වැනි ස්ථානයන් වලින් ඩෙංගු බෝ වීමේ ප්‍රවනතාවයක් පවතිනවා. ඒ සඳහා දැඩි නීතිමය තත්වයක් යටතේ කටයුතු කරන්න අවශ්‍ය පියවර ගැනීමට සියලු පළාත් පාලන ආයතන දැනුවත් කර තිබෙනවා.”

news3රටක ඇතිවන සිදුවීමක ජාතික ප්‍රශ්නයක් බවට පත්වන්නේ එම සිදුවීම ජන ජීවිතයේ පැවැත්මට කෙතරම් බලපෑමක් ඇතිකරනවාද යන කාරණය එක්ක. අද දවසේ ප්‍රධාන ප්‍රශ්නය තමයි කුණු පිළිබඳ ගැටලුව මේ ප්‍රශ්නය ඇතිවුනේ පසුගිය අප්‍රේල් මාසේ මීතොටමුල්ල සිදුවීමක් එක්ක. අදවන විට කසල ප්‍රශ්නය මෙරට ප්‍රධානතම ජාතික ප්‍රශ්නයක් බවට පත්වෙලා ඉවරයි.ඒකට හේතුව තමයි මේ සිදුවීම එක්ක වාණිජමය හා දේශපාලන පරමාර්ථ ක්‍රියාත්මක වීම. එම වාණිජමය හා දේශපාලන පරමාර්ථ හරහා ඉතාම සුළු සිදුවීම් පවා ප්‍රධාන ජාතික ප්‍රශ්න බවට පත්වෙනවා අද කසල ප්‍රශ්නය එවැනි සිදුවීමක් සමඟ ඇති වූ වානිජමය හා දේශපාලන ක්‍රියාවලියක ප්‍රතිපලයක්. නමුත් අද කසල ප්‍රශ්නය හේතුකොට ගෙන මෙරට සෞඛ්‍ය කේෂත්‍රය තුළ දැවැන්ත අර්බුදකාරී වාතාවරණයක් ක්‍රියාත්මක වෙනවා . ඒ ඩෙංගු වසංගතය රටපුරා ඉතාම සීඝ්‍ර ලෙස ව්‍යාප්තවීමත් සමඟ ජන ජීවිතය තුළ ඇතිවන බිඳවැටීම. නමුත් රජයක් ලෙස මෙම තත්ත්වය නිවැරදිව කළමණාකරනය කරන්න හැකිවෙලා තිබෙනවා. අඩුපාඩු තිබුනත් සියල්ල උපරිමයෙන් ඉටුකරන්න රජය ක්‍රියාකරලා තියෙනවා. මේ කසල ප‍්‍රශ්නය සඳහා වුවත් ඉතා ඉක්මන් ක්‍රියාමාර්ග ගෙන පැවති තත්ත්වය යථා තත්ත්වයට පත්කරන්න රජය කටයුතුකරලා තිබෙනවා. නමුත් මෙම තත්ත්වයට රජයක් විදියට උපරිමය ඉටුකළත් සමාජමය වශයෙන් චර්යාත්මක වෙනසක් සිදුනොවන්නේ නම් කසල අර්බුදය මේ ආකාරයෙන්ම පවතින්නට ඉඩ තිබෙනවා. ඒ සඳහා මාධ්‍ය වෘත්තිකයන් ලෙස ඔබලාට සුවීශේෂී සමාජ මෙහෙවරක් ඉටුකරන්න කාලය ඇවිල්ලා. පසුගිය යුධ සමය තුළ, ඇති වූ ආපදා තත්ත්වයන්, තුළ ඔබලා ඉටුකළ සේවය ඉතාම විශිෂ්ඨයි. මේ සඳහාත් ඔබලාගේ ඒ සුවිශේෂී සමාජ මෙහෙවර හරහා දායකත්වය ලබා දෙන ලෙස මා ඉල්ලා සිටිනවා.

newsපළාත් සභා සහ පළාත් පාලන අමාත්‍ය ෆයිසර් මුස්තෆා මැතිතුමන්ගේ සංකල්පයක් ලෙස ආරම්භ කරන ලද “නිකසල වැඩබිම” සංකල්පය පසුගියදා අමාත්‍යාංශ පරිශ්‍රයේ දී ආරම්භ කරන ලදි. වර්තමානයේ දී සමස්ත රටම මුහුණ දී තිබෙන දැවැන්ත කසල අර්බුදය වෙනුවෙන් රාජ්‍ය හා පුද්ගලික අංශයේ කාර්යාලයක, කර්මාන්ත ශාලාවක හෝ වෙනයම් වැඩබිමක, යහපත් පරිසරයක් පවත්වාගෙන යාම උදෙසා ජාතික ශ්‍රමදාන වැඩසටහන “නිකසල වැඩබිම”, වැඩසටහනේ අරමුණයි.